NAKAW Mula kay Danlourd:
Namimiss ko ang pag-aaral bilang kabuuan at ang kaakibat nitong kung anu-ano
Ang walang katapusan pagpapa-photocopy ng mga librong ayaw bilhin
Pati na rin ang pagpapa-photocopy ng notes ng iba
Ang pangongolekta ng syllabus, ang free cut dahil walang ang prof
Ang pagshoshorts, pagsasando at pagtsitsinelas halos araw araw
Ang mga nakatatamad na tatlong oras na subjects
Ang pagsusulat ng mga papel, papers, projects at pagmememorya para sa orals
Ang paghahanda sa mga exams, pagbili ng blue book at panghihingi ng yellow paper
Ang pagtambay at pagtulog sa Gonzaga, sa bahay ng Matanglawin
Ang org events mga mob, mga pagtitipon kasama ang orgmates
Ang pagpasok ng late, ang katamarang pumasok na nauuwi sa pagka-cut
Ang pagkagulantang sa surprise quiz at minsan pa'y recitation
Ang pagtambay sa pocket garden at pagsusunog ng baga dahil sa yosi
Ang paglalakad dahil from pole to pole ang classrooms ng magkasunod na klase
Ang pag-iinom sa Chicken boy, umaga tanghali, gabi hanggang madaling araw
Ang pagpasok ng lasing sa klase, nangangalingasaw ang amoy ng alak at yosi
Ang enrollment na nakakapagod, ang random number na swertihan talaga
Ang pakikipag-usap sa mga prof para lang makapasa o pagbigyan ng isa pang pagkakataon
Ang panonood ng mga plays, ang pagsali sa mga ito at sa libreng pagkain kapag gayla night
Ang hell week na putangina talaga dahil tila nasa impeyerno ka sa dami ng gagawin
Ang pagkalimot sa nakatakdang final exam o orals, incomplete na grado
Ang pagpila nang mahaba para malaman mo lang na mababa ang marka mo
Ang tatlo o apat na oras na break, na hindi alam kung saan gagamitin
Ang pagsali sa org at hindi pagsipot dito dahil boring ang mga tao
Ang pagiging beadle (tama ba ang spelling?), na hindi ko nagampanan
Ang modified true or false, modified multiple choice at modified identification sa exams
Ang mga presentation gamit ang powerpoint, videos, powerpoint at powerpoint
Ang sandamukal na readings sa philo, theo at sa mga majors
Ang lahat lahat nang nangyari sa akin nung kolehiyo
Namimiss kong lahat iyon, maganda man o pangit, masaya man o malungkot
Akala ko pagka-graduate ko magiging malaya na ako sa pananakal ng college
Sa mga deadlines nito, lahat ng gagawin ay nakatakda sa kalendaryo
Ang cuts ay binibilang at hindi ka maaaring sumobra kundi bagsak ka
Akala ko mas masaya ang buhay may trabaho kaysa pag-aaral
Mali ako, mas lalong demanding, nakaka-pressure, ang real world
Lalo ko tuloy namimiss ang pag-aaral at ninanais na mag-aral na lang muli
----------------------------------------------
No comments:
Post a Comment